ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀ ԱՐՄԱՆ ԴԻԼԱՆՅԱՆԸ ՇՆՈՐՀԱՎՈՐԱԿԱՆ ՈՒՂԵՐՁ Է ՀՂԵԼ ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐԻ ԳԵՐԱԳՈՒՅՆ ԴԱՏԱՐԱՆԻ ՆԱԽԱԳԱՀ ՋՈՆ ՌՈԲԵՐԹՍԻՆ
4 հուլիսի 2022թ.«Մեծարգո՛ պարոն նախագահ,
Հայաստանի Հանրապետության սահմանադրական դատարանի անունից ջերմորեն շնորհավորում եմ Ձեզ և ամերիկյան բարեկամ ժողովրդին՝ Ամերիկայի Միացյալ Նահանգների Անկախության օրվա առթիվ:
Հայաստանի Հանրապետության և Միացյալ Նահանգների ամուր գործընկերային հարաբերությունները մշտապես աչքի են ընկել փոխադարձ վստահությամբ և դրանք խորացնելու անկեղծ ցանկությամբ: Առանձնահատուկ ցանկանում եմ ողջունել ԱՄՆ-ի տարբեր պետական հաստատությունների ու գործակալությունների կողմից ցուցաբերվող համապարփակ աջակցությունը Հայաստանում ժողովրդավարական ինստիտուտների ամրապնդմանը, դատաիրավական համակարգի և կոռուպցիայի դեմ պայքարի ոլորտներում բարեփոխումների իրականացմանը:
Լիահույս եմ, որ մեր դատարանների միջև երկկողմ հարաբերությունները, որոնք խարսխված են ժողովրդավարական ընդհանուր արժեքների, փոխվստահության և բարեկամության վրա, կշարունակեն անշեղորեն զարգանալ՝ ի նպաստ հայ-ամերիկյան բարեկամության: Այս համատեքստում ուրախ կլինեմ դիտարկել մեր դատարանների միջև ռազմավարական երկխոսության զարգացման հնարավորությունները:
Օգտվելով հնարավորությունից՝ թույլ տվեք մեկ անգամ ևս շնորհավորել Ձեզ ու Ամերիկայի բարեկամ ժողովրդին Անկախության օրվա կապակցությամբ` մաղթելով խաղաղություն ու բարօրություն»:
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: