Top.Mail.Ru
5 մայիսի 2025թ.

ՍԴ ՆԱԽԱԳԱՀՆ ԸՆԴՈՒՆԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԵՐԲԻԱՅԻ ՀԱՆՐԱՊԵՏՈՒԹՅԱՆ ԴԵՍՊԱՆԻՆ

2025 թվականի մայիսի 5-ին Սահմանադրական դատարանի նախագահ Արման Դիլանյանն ընդունել է Հայաստանի Հանրապետությունում Սերբիայի Հանրապետության արտակարգ և լիազոր դեսպան Տատյանա Պանայոտովիչ Ցվետկովիչին:

Ողջունելով հյուրին Սահմանադրական դատարանի նախագահ Արման Դիլանյանը կարևորել է հայ-սերբական հարաբերությունների զարգացումը  սահմանադրական արդարադատության ոլորտում՝ ինչպես երկկողմ, այնպես էլ բազմակողմ ձևաչափերում։ 

Դեսպան տիկին Պանայոտովիչ Ցվետկովիչը նշել է, որ երկու երկրների  բարեկամական հարաբերությունները լավ հիմք են ստեղծում նաև Հայաստանի և Սերբիայի Բարձր դատարանների միջև արդյունավետ համագործակցության զարգացման համար:
Հանդիպման ընթացքում քննարկվել են փոխադարձ հետաքրքրություն ներկայացնող հարցեր։ 

Նորություններ