ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ «ՀԱՅԲՈՒՍԱԿ» ՀԱՄԱԼՍԱՐԱՆԻ ՈՒՍԱՆՈՂՆԵՐԸ
2025 թվականի դեկտեմբերի 4-ին ճանաչողական այցով Սահմանադրական դատարան են այցելել «Հայբուսակ» համալսարանի «Իրավագիտություն և միջազգային հարաբերություններ» ինստիտուտի ուսանողները: Նրանց ընդունել և դասախոսությամբ է հանդես եկել ՍԴ դատավոր Էդգար Շաթիրյանը:
Դատավոր Շաթիրյանն ուսանողներին ներկայացրել է Սահմանադրական դատարանի կառուցվածքը, գործունեության առանձնահատկություններն ու Բարձր դատարանի դերը Հայաստանի Հանրապետության արդարադատության համակարգում, անդրադարձել նախորդ տարիներին տեղի ունեցած սահմանադրական փոփոխություններին և Բարձր դատարանին առնչվող օրենսդրական կարգավորումներին: Ուսանողների խնդրանքով ՍԴ դատավորը անդրադարձ է կատարել ինչպես Մարդու իրավունքների եվրոպական դատարանի (ՄԻԵԴ), այնպես էլ ՀՀ Սահմանադրական դատարանի մի շարք ուշագրավ որոշումների։
Հանդիպման ավարտին ՍԴ դատավոր Էդգար Շաթիրյանը պատասխանել է ուսանողներին հետաքրքրող հարցերին:
Նորություններ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: