ՄԱՍՆԱԳԻՏԱԿԱՆ ՔՆՆԱՐԿՈՒՄ ԾԱՂԿԱՁՈՐՈՒՄ
2022 թվականի մարտի 4-ին Ծաղկաձորում մեկնարկել է «Սահմանադրության անմիջական կիրառման և դատարանների կողմից Սահմանադրական դատարան դիմելու մեթոդաբանական առանձնահատկությունները» խորագրով երկօրյա աշխատաժողովը: Միջոցառումը կազմակերպվել է Սահմանադրական դատարանի նախաձեռնությամբ՝ Հայաստանում Եվրոպական միության պատվիրակության կողմից ֆինանսավորվող և Միջազգային իրավական համագործակցության գերմանական հիմնադրամի (IRZ) ղեկավարությամբ Կոնսորցիումի կողմից իրականացվող «Արդարադատության համակարգի ամրապնդման» ծրագրի շրջանակներում: Երկօրյա աշխատաժողովին մասնակցում են Սահմանադրական դատարանի, Վճռաբեկ դատարանի և այլ ատյանների դատավորներ, ինչպես նաև Սահմանադրական դատարանի աշխատակազմի ներկայացուցիչներ:
Իր բացման խոսքում Սահմանադրական դատարանի նախագահ Արման Դիլանյանը շնորհակալություն է հայտնել եվրոպացի գործընկերներին նմանձևաչափով միջոցառման կազմակերպմանը աջակցելու համար: Անդրադառնալով աշխատաժողովի քննարկման թեմաներին՝ Արման Դիլանյանը վստահություն է հայտնել, որ ընտրված աշխատանքային ձևաչափը ստեղծում է լավ հարթակ՝ արդյունավետ մասնագիտական քննարկումներ ու կարծիքների փոխանակում իրականացնելու համար։
Հայաստանում «Արդարադատության համակարգի ամրապնդում» ծրագրի ղեկավար Փիթեր Գյորթլերն իր բացման խոսքում ողջունել է միջոցառման մասնակիցներին` շնորհակալություն հայտնելով նման ներկայացուցչական մասնակցություն ապահովելու համար։
Երկօրյա սեմինարի ընթացքում քննարկվելու են սահմանադրական նորմերի անմիջական կիրառման մեթոդաբանական և Սահմանադրության մեկնաբանության մեթոդաբանական առանձնահատկությունները, Սահմանադրական դատարանի իրավական դիրքորոշումների իրացման մեթոդաբանական առանձնահատկությունները և դատարանների կողմից Սահմանադրական դատարան ներկայացվող դիմումներին առաջադրվող պահանջները և դրան առնչվող միջազգային փորձը։
Նորություններ
29 սեպտեմբերի 2022թ.
ՀԱՄԱԳՈՐԾԱԿՑՈՒԹՅԱՆ ՆՈՐ ՀՈՒՇԱԳԻՐ
20 սեպտեմբերի 2022թ.
ՍԴ ՆԱԽԱԳԱՀԸ ՇՆՈՐՀԱՎՈՐԱԿԱՆ ՈՒՂԵՐՁ Է ՀՂԵԼ ՄԱՐԴՈՒ ԻՐԱՎՈՒՆՔՆԵՐԻ ԵՎՐՈՊԱԿԱՆ ԴԱՏԱՐԱՆԻ ՆՈՐԸՆՏԻՐ ՆԱԽԱԳԱՀԻՆ
19 սեպտեմբերի 2022թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
19 սեպտեմբերի 2022թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀՆ ԸՆԴՈՒՆԵԼ Է ԵՎՐՈՊԱՅԻ ԽՈՐՀՐԴԻ ՊԱՏՎԻՐԱԿՈՒԹՅԱՆԸ
19 սեպտեմբերի 2022թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 1(105) 2022 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
13 սեպտեմբերի 2022թ.
ՏԵՂԵԿԱՏՎՈՒԹՅՈՒՆ
6 սեպտեմբերի 2022թ.
ԴԱՏԱՎՈՐ ՎԱՀԵ ԳՐԻԳՈՐՅԱՆՆ ԸՆԴՈՒՆԵԼ Է ՀԱՐԱՎԱՖՐԻԿՅԱՆ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ՊԱՇՏՈՆԱԹՈՂ ԴԱՏԱՎՈՐ, ԻՐԱՎԱՊԱՇՏՊԱՆ ԱԼԲԻ ԶԱՔՍԻՆ
1 սեպտեմբերի 2022թ.
ԴԱՏԱՎՈՐ ՎԱՀԵ ԳՐԻԳՈՐՅԱՆՆ ԸՆԴՈՒՆԵԼ Է ԱԶԳԱՅԻՆ ԺՈՂՈՎԻ «ԱՄԱՌԱՅԻՆ ԴՊՐՈՑ» ԾՐԱԳՐԻ ՄԱՍՆԱԿԻՑՆԵՐԻՆ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում: