ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀԸ ՄԱՍՆԱԿՑԵԼ Է ԵԽ ԾՐԱԳՐԻ ՂԵԿԱՎԱՐ ՀԱՆՁՆԱԺՈՂՈՎԻ ՆԻՍՏԻՆ
2022 թվականի նոյեմբերի 29-ին Սահմանադրական դատարանի նախագահ Արման Դիլանյանը մասնակցել է Երևանում Եվրոպայի խորհրդի գրասենյակի կողմից իրականացվող՝ «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի Ղեկավար հանձնաժողովի նիստին:
Իր ողջույնի խոսքում Արման Դիլանյանը նշել է, որ վերջին երկու տարվա ընթացքում Սահմանադրական դատարանի և Եվրոպայի խորհրդի միջև ձևավորվել է որակապես նոր, ընդգրկուն ու անչափ արդյունավետ երկխոսություն, որն իր բնույթով օրինակելի ու ուղենիշային է: Սահմանադրական դատարանի նախագահը շնորհակալություն է հայտնել եվրոպացի գործընկերներին Հայաստան-Եվրոպայի խորհուրդ 2019-2022 թթ. «Գործողությունների ծրագրի» շրջանակներում Հայաստանի արդարադատության համակարգին Եվրոպայի խորհրդի կողմից ցուցաբերված աջակցութան համար: Անդրադառնալով Սահմանադրական դատարանում ներկայումս իրականացվող ինստիտուցիոնալ բարեփոխումերին՝ Արման Դիլանյանը հույս է հայտնել, որ Եվրոպայի խորհրդի կողմից Սահմանադրական դատարանի հետ համատեղ իրականացվող ծրագրերը կարևորագույն նշանակություն կունենան մեր երկրում դատական իշխանության անկախության երաշխավորման, ժողովրդավարության անշրջելիության ապահովման և այդ նպատակով իրավունքի գերակայության ամրապնդման և պետական ինստիտուտների բարեփոխման համար:
Ղեկավար նիստի բացման արարողությանը ողջույնի խոսքերով հանդես են եկել նաև Արդարադատության նախարարի պարտականությունները կատարող Գրիգոր Մինասյանը, Երևանում Եվրոպայի խորհրդի գրասենյակի ղեկավար Մարտինա Շմիդտը, Եվրոպայի խորհրդի իրավական բարեփոխումների և մարդու իրավունքների հարցերով համագործակցության ծրագրերի վարչության փոխտնօրեն Լիլիթ Դանեղյանը և Հայաստանի Հանրապետությունում Եվրոպական միության պատվիրակության համագործակցության ծրագրերի բաժնի ղեկավար Ֆրանկ Հեսսը:
Նորություններ
30 հունվարի 2023թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀ ԱՐՄԱՆ ԴԻԼԱՆՅԱՆԸ ՀԱՆԴԻՊԵԼ Է ՄԻԵԴ ՆԱԽԱԳԱՀ ՇԻՈՖՐԱ Օ՛ԼԻՐԻԻ ՀԵՏ
10 հունվարի 2023թ.
Ի ԳԻՏՈՒԹՅՈՒՆ
31 դեկտեմբերի 2022թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀ ԱՐՄԱՆ ԴԻԼԱՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁՆ ԱՄԱՆՈՐԻ ԵՎ ՍՈՒՐԲ ԾՆՆԴՅԱՆ ՏՈՆԵՐԻ ԱՌԹԻՎ
28 դեկտեմբերի 2022թ.
Ի ԳԻՏՈՒԹՅՈՒՆ
20 դեկտեմբերի 2022թ.
ՎԱՀԵ ԳՐԻԳՈՐՅԱՆՆ ԸՆՏՐՎԵԼ Է ՍԱՀՄԱՆԱԴՐԱԿԱՆ ԴԱՏԱՐԱՆԻ ՓՈԽՆԱԽԱԳԱՀԻ ՊԱՇՏՈՆՈՒՄ
19 դեկտեմբերի 2022թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 2(106) 2022 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
19 դեկտեմբերի 2022թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 1/1(105/1) 2022 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
19 դեկտեմբերի 2022թ.
ՆՈՐԸՆՏԻՐ ԴԱՏԱՎՈՐՆԵՐ ՍԵԴԱ ՍԱՖԱՐՅԱՆԸ ԵՎ ՀՈՎԱԿԻՄ ՀՈՎԱԿԻՄՅԱՆԸ ՆԵՐԿԱՅԱՑՎԵՑԻՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱԶՄԻՆ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում: