ԵՐԿՕՐՅԱ ՍԵՄԻՆԱՐ-ՔՆՆԱՐԿՈՒՄ ՍԴ-ՈՒՄ ԼԱՅՊՑԻԳԻ ՀԱՄԱԼՍԱՐԱՆԻ ՊՐՈՖԵՍՈՐԻ ՄԱՍՆԱԿՑՈՒԹՅԱՄԲ
Նոյեմբերի 14-15-ը Սահմանադրական դատարանում տեղի ունեցավ սեմինար-քննարկում, որը վարեց Լեյպցիգի համալսարանի դոկտոր պրոֆեսոր, Սաքսոնիայի սահմանդրական դատարանի դատավոր Քրիստոֆ Դեգենհարթը:
Քննարկվող թեմաներն էին «Սահմանադրական գանգատը և դրա առանձնահատկությունները ՀՀ սահմանադրության համատեքստում», «Խոսքի և արտահայտվելու ազատության սահմանադրական իրավունքը և դրա սահմանափակումները Գերմանիայի ՍԴ պրակտիկայում»: Լինելով պետական և վարչական իրավունքի մասնագետ՝ պրն. Դեգենհարթը ներկայացրեց կարծիքի արտահայտման ազատության իրավունքը Գերմանիայի հիմնական օրենքում ու Մարդու իրավունքների եվրոպական կոնվենցիայում, խոսեց դրա սկզբունքային նշանակության մասին ժողովրդավարական հասարակությունների կայացման տեսանկյունից: Ներկայացրեց այս իրավունքի բովանդակությունը, դրսևորման ձևերը, սահմանափակումների առանձնահատկությունները: Սահմանադրական դատարանի անդամները հարցեր ուղղեցին փոփոխված սահմանադրությունում անհատական սահմանադրական գանգատի հետ կապված՝ խնդրելով զուգահեռներ անցկացնել Գերմանիայի սահմանադրական դատարանին ներկայացվող սահմանադրական գանգատի հետ, ընթացակարգի, ընդունման նախապայմանների վերաբերյալ: Դասընթացի ավարտին ՍԴ նախագահ Հրայր Թովմասյանը շնորհակալություն հայտնեց գերմանացի պրոֆեսորին երկօրյա, բովանդակալից դասընթացի համար՝ կարևորելով նման հանդիպումները գիտելիքների լրացման ու փորձի փոխանակման տեսանկյունից:
Ի դեպ, նշենք, որ պրոֆեսոր Դեգենհարթի ուսումնասիրությունները, մասնավորապես նվիրված կառավարման համակարգերին, մեծ հեղինակություն են վայելում:
Պրոֆեսորը քաջածանոթ է Հայաստանի Սահմանադրությանը. 2015 թվականին Հայաստանում է եղել և սահմանադրական փոփոխությունների մշակման ժամանակ խորհրդատվություն մատուցել աշխատանքային խմբին:
Պրոֆեսորի հետ Սահմանադրական դատարանում սեմինար-քննարկումը կազմակերպվեց «Հարավային Կովկասում իրավական և դատական բարեփոխումների համար խորհրդատվություն» (GIZ) ծրագրի հետ համատեղ:
Նորություններ
5 մայիսի 2025թ.
ՍԴ ՆԱԽԱԳԱՀՆ ԸՆԴՈՒՆԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԵՐԲԻԱՅԻ ՀԱՆՐԱՊԵՏՈՒԹՅԱՆ ԴԵՍՊԱՆԻՆ
27 ապրիլի 2025թ.
ՎԱՀԵ ԳՐԻԳՈՐՅԱՆԻ ՀԱՐՑԱԶՐՈՒՅՑԸ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅԱՆԸ
23 ապրիլի 2025թ.
ՍԴ ՓՈԽՆԱԽԱԳԱՀ ՎԱՀԵ ԳՐԻԳՈՐՅԱՆԻ ՀԱՐՑԱԶՐՈՒՅՑԸ FACTOR TV-ԻՆ
25 ապրիլի 2025թ.
ՍԴ ՆԱԽԱԳԱՀՆ ԸՆԴՈՒՆԵԼ Է ՀԱՅԱՍՏԱՆՈՒՄ ԻՏԱԼԻԱՅԻ ԴԵՍՊԱՆԻՆ
3 ապրիլի 2025թ.
ՍԴ ՆԱԽԱԳԱՀՆ ԸՆԴՈՒՆԵԼ Է ՀՀ-ՈՒՄ ԻԻՀ ԴԵՍՊԱՆԻՆ
11 մարտի 2025թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 5(117) 2024 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
25 փետրվարի 2025թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 4(116) 2024 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
24 փետրվարի 2025թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
21 փետրվարի 2025թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ ՄԻՊ ՁՄԵՌԱՅԻՆ ԴՊՐՈՑԻ ՈՒՆԿՆԴԻՐՆԵՐՆ ԵՎ ՎԱՆԱՁՈՐԻ Հ․ ԹՈՒՄԱՆՅԱՆԻ ԱՆՎ․ ՀԱՄԱԼՍԱՐԱՆԻ ՈՒՍԱՆՈՂՆԵՐԸ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: