Ամփոփագիր

Հոդվածում քննարկվում են պետական իշխանության և տեղական ինքնակառավարման մարմինների փոխգործակցության ձևերի տեսաիրավական հիմնահարցերը սահմանադրաիրավական կարգավորումների համատեքստում։
Հետազոտության շրջանակներում ուսումնասիրության առարկա են դարձել պետական իշխանության և տեղական ինքնակառավարման մարմինների փոխգործակցության ձևերի վերաբերյալ մասնագիտական գրականության մեջ ներկայացված տեսական մոտեցումները, վեր են հանվել հարցի առնչությամբ առաջարկված դասակարգումների հիմնական թերությունները, որոնց համադրման և սահմանադրաիրավական կարգավորումների համակարգային վերլուծության արդյունքում ձևավորվել և ներկայացվել է պետական իշխանության և տեղական ինքնակառավարման մարմինների փոխգործակցության ձևերի նոր տեսաիրավական ընկալումը։
Սույն հոդվածի նպատակը պետական իշխանության և տեղական ինքնակառավարման մարմինների միջև փոխգործակցության ձևերի տեսաիրավական ընկալման ուսումնասիրությունը, դրանց դասակարգման վերաբերյալ առկա տեսական մոտեցումների վերլուծությունը, ինչպես նաև սահմանադրաիրավական կարգավորումների հիման վրա փոխգործակցության ձևերի նոր դասակարգման հիմնավորումն է։
Հոդվածում քննարկվում են այնպիսի հարցեր, որոնք այս կամ այն չափով իրենց արտացոլումն են ստացել տարբեր հեղինակների աշխատություններում, սակայն, դրան զուգահեռ, անդրադարձ է կատարվում նաև այնպիսի հիմնահարցերի, որոնք առանձին համալիր գիտական քննարկման և սահմանադրաիրավական հետազոտության առարկա չեն հանդիսացել։
Կատարված տեսաիրավական և սահմանադրաիրավական վերլուծությունների հիման վրա հոդվածում առաջարկվում է պետական իշխանության և տեղական ինքնակառավարման մարմինների փոխգործակցության ձևերի նոր դասակարգում՝ ըստ դրանց իրավական պարտադիրության աստիճանի՝ առանձնացնելով փոխգործակցության «պարտադիր» և «լրացուցիչ» ձևերը։

Հիմնաբառեր. պետական իշխանության և տեղական ինքնակառավարման մարմիններ, փոխգործակցության ձևեր։