Ամփոփագիր

     Սույն հոդվածի շրջանակներում կուսումնասիրենք այնպիսի իրավական կատեգորիաների ըմբռնման հիմնական մոտեցումները, ինչպիսիք են «իրավական ռեժիմները» և «հատուկ իրավական ռեժիմները», այդ ռեժիմների ժամանակ փրկարար ծառայության գործունեության առանձնահատկությունները։ Հատուկ իրավական ռեժիմները ծառայում են որպես իրավական հիմք մարդու և քաղաքացու իրավունքների և ազատությունների սահմանափակման համար. հետևաբար, հատուկ իրավական ռեժիմների հայեցակարգի, տեսակների և հիմնական հատկանիշների ուսումնասիրության արդիականությունը կասկածից վեր է։ Ինչպես գիտենք՝ ժամանակակից աշխարհում դինամիկ զարգացող սոցիալ-տնտեսական, քաղաքական, մշակութային, ազգային, ժողովրդագրական, տեղեկատվական և այլ գործընթացները մեծ ազդեցություն ունեն նաև իրավական ոլորտի վրա: Սոցիալական հարաբերությունների ձևափոխումից հետո փոփոխության են ենթարկվում նաև այդ հարաբերություններն ամրագրող իրավական ձևերն ու դրանց կառուցվածքային տարրերը, որոնցից մեկն էլ հանդիսանում է իրավական ռեժիմը, որն իրավաբանական գրականության մեջ գնալով դառնում է առավել կիրառական՝ հանդիսանալով իրավագիտության կարևորագույն կատեգորիաներից մեկը:

     Հիմնաբառեր. հատուկ իրավական ռեժիմ, ռազմական դրություն, արտակարգ դրություն, արտակարգ իրավիճակ, փրկարար ծառայություն: